Kryetari i Partisë Demokratike, Lulzim Basha ka komentuar ngjarjen e ndodhur dje në Elbasan, ku mbeti i vrarë Pjerin Xhovani, pas përplasjeve mes mbështetësve të PS dhe PD.
Basha tha në një intervistë televizive se Arbër Papleka, autori i vrasjes, se është dorëzuar në policia dhe ka dhënë armën e tij duke thënë se ka qëlluar me armë por nuk e di nëse e ka vrarë ai Xhovanin.
Kryedemokrati mohoi që të ketë persona të armatosur në PD. Sipas Bashës PD ka ngritur një strukturë për të mbrojtur votën.
“Do ta them tani versionin, ma kanë thënë burime nga miqtë tanë ndërkombëtarë. Abrër Papleka ka qenë një nga njerëzit më të stërvitur të RENEA-s. Ai ka stërvitur edhe ekipin në Afganistan. Është vetëdorëzuar, është i vetmi që është vetëdorëzuar. Ka shkuar atje dhe ka thënë: urdhëroni pistoletën time, urdhëroni, merreni bëni provën balistike, nuk e di nëse kam vrarë por kam qëlluar për vetëmbrojtje. Nuk ka njerëz të armatosur në PD. Janë ish policë sepse mbajnë kontakte me kolegët e tyre të policisë,”-tha Basha./ Opinion.al
