Një i shumëkërkuar në listën e Interpolit është arrestuar nga policia e Maqedonisë së Veriut.
Remzi Azemi, shtetas i Kosovës, kërkohej në Ekuador për veprën penale të vrasjes.
Azemi ishte i dyshuar për vrasjen e shqiptarit Ilir Hidri, ngjarje e ndodhur në maj të vitit 2017 në qytetin Guayaquil të Ekuadorit.
Njësia Gjyqësore Kriminale, me seli në Guayaquil, kishte lëshuar një urdhër arresti për të që në vitin 2021.
Policia e Ekuadorit bëri me dije se puna hetimore e kryer me Interpolin ka mundësuar kapjen e Remzi Azemit.
“I arrestuari është në pritje të procesit formal të ekstradimit”, tha policia ekuadoriane.
