Te tjera detaje janë bërë të ditura lidhur me sherrin e ndodhur mesditën e sotme në Durrës, ku për pasojë humbi jetën një 47-vjeçar.
Mësohet se Ilir Koçilja dhe Halik Koka ishin fqinj me njëri-tjetrin.
Sherri mes tyre nisi në lagjen Nr. 4 të qytetit, ku Koçilja sulmoi me thikë komshiun.
I plagosur, 47-vjeçari kapërceu rrugën dhe vrapoi për t’i shpëtuar agresorit të tij, por u rrëzua në rrugë, pranë konteinerëve të mbetjeve urban.
Paraprakisht, dyshohet se shkak i sherrit u bë vendparkim poshtë pallatit, por edhe një borxh. Megjithatë, pritet hetimi për zbardhjen e plotë të ngjarjes.
Koçilja, sipas policisë, është person problematik në komunitet. Ai shponte dhe gomat e automjeteve të parkuara në rrugë. Njëkohësisht, dyshohet se ai vuante edhe nga probleme të shëndetit mendor.
