Autori i dyshuar si vrasësi i efektivit të policisë Xhulio Prela ka mohuar autorësinë e krimit.
21-vjeçari Nikoll Sherrniku i arrestuar dy ditë më parë ka deklaruar se në momentin që ka ndodhur ngjarja ai ndodhej në shtëpi.
Ndërkohë, autoritetet kanë shpallur në kërkim ndërkombëtar një tjetër person të identifikuar me inicialet B.M., pasi akuzohet si bashkëpunëtor në krim.
Sipas informacioneve, konflikti mes viktimës dhe dy autorëve të dyshuar, ka nisur për shkak të dritave të gjata të makinës që reflektonin mbi palën tjetër.
26-vjeçari Xhulio Prela, po kthehej nga Shkodra, nga ku kishte dërguar më herët një mikun e tij që ishte kthyer nga Anglia. Vrasja ndodhi në afërsi të fshatit Gajush në orën 03:00 të mëngjesit teksa dyshohet se Xhulio Prela është qëlluar nga afër me tre plumba, ndërsa njëri prej tyre ka qenë në zemër duke i shkaktuar vdekjen./ Opinion.al
