Qyteti i Shkodrës u tronditë ditën e sotme nga vrasja e dy vëllezërve Astrit dhe Brahim Bilali.
Pak orë pas ekzekutimit të tyre ministri i Brendshëm Sandër Lleshaj ka nisur ndryshimet në policinë e Shkodrës, duke shkarkuar drejtorin e policisë Vehbi Bushati dhe në vend të tij është emëruar Niko Brahimi.
Lleshaj u shpreh se do të forcohet siguria në qytetin e Shkodrës dhe se qytetarët nuk kanë arsye të shqetësohen.
“Kemi marrë një vendim të rëndësishëm për të ngarkuar në krye të drejtorisë së policisë së Shkodrës një drejtues të ri që vjen nga Tirana, Niko Brahimi. Ngarkohet sot me sigurinë e Shkodrës. Kam besimin e plotë se do të japë impulse të reja dhe do të shënojë rezultate të reja dhe për të siguruar atë që Shkodra meriton. Ne do të bëjmë gjithçka në shërbim të sigurisë. Qytetarët nuk kane perse te mos ndjehen te sigurte. Ne jemi ne proces hetimi për ketë ngjarje por edhe ngjarje te tjera. Shpresoj qe sa me shpejt te kemi rezultate”, tha mes tjerash ministri./ Opinion.al E.Xh.
