Biznesmeni i arrestuar për vdekjen tragjike të turistit rus në Himarë ka kallëzuar në Prokurori oficerin e Policisë Gjyqësore.
Sipas tij dhe avokatit Arian Veshajt, oficeri në fjalë nuk ka pranuar që të shkojë në vendin e ngjarjes për të bërë hetimet.
Kjo, sipas palës akuzuese ka bërë që të krijohet një konfuzion me ngjarjen.
Gjithashtu, disa ditë më parë, avokati i Fatmur Kuçit akuzoi të njëjtin oficer se ka marrë në pyetje pa praninë e psikologut dhe prindërve djalin e biznesmenit, i cili është i mitur.
Fatmir Kuçi, arrestuar për aksidentimin me mjet lundrues të turistit rus deklaron se është i pafajshëm dhe se turistin e gjeti në det të aksidentuar dhe e ndihmoi.
