Aktualitet

Detaje nga vrasja e Shkëlzen Kastratit, makina e djegur e vjedhur në Greqi


Bëhu pjesë e Grupit Zyrtar të Opinion.al
>> KËTU <<
               Publikuar në : 12:33 - 04/02/21 |
Doriana Çepunaj

Detaje të reja janë zbuluar nga vrasja e Shkëlzen Kastratit tre ditë më parë në fshatin Shqet të Fierit.

Abc news raporton se makina Range Rover që u gjet e djegur pas atentatit rezulton e vjedhur pak muaj më parë në Greqi. Policia ende nuk ka zbuluar mënyrën se si automjeti është futur në territorin shqiptar.

Ndërkohë, mbrëmjen e djeshme, policia e Fierit ka sekuestruar në Kamëz një automjet tip “Audi” me të cilin dyshohet se autorët janë larguar pasi dogjën Range Roverin. Uniformat blu kanë arritur ta identifikojnë automjetin nga kamerat e sigurisë përgjatë zonës në Fier.

Deri më tani raportohet se autoritetet kanë shoqëruar disa persona, mes të cilëve edhe pronarin e makinës që u sekuestrua në Kamëz. Mësohet se ai ka thënë se e kishte shitur makinën një personi tjetër, por pa një akt noterial. Pas deklaratës ai është lënë sërish i lirë, ndërsa policia ka shpallur në kërkim personin që i është shitur makina.

Kontrollet për persona të dyshuar si të përfshirë në ngjarje janë kryer edhe Tiranë, Durrës, periferitë e Fierit dhe në disa zona të Vlorës.

Shkëlzen Kastrati u vra në datën 1 shkurt në fshatin Sheq të Fierit. Ai ndërroi jetë në vendngjarje, ndërsa autorët u larguan me një mjet tip Range Rover të cilit i vunë flakën në Mbrostar. Në automjetin e djegur u sekuestrua dhe një armë tip “Scorpion” me silenciator, e cila dyshohet se është përdorur nga autorët.

Ndërkohë dyshohet se hasmëria dhe konfliktet e vjetra mund të kenë çuar në ekzekutimin e 42 vjeçarit, vetëm pak metra larg biznesit të tij, në një rrugë që e frekuentonte pothuajse përditë./Opinion.al

Pas