Një ngjarje e rëndë tronditi Tiranën disa ditë më parë, ku babai palestinez vrau vajzën e tij në një apartament në rrugën “Gjon Muzaka”.
Krimi i rëndë, i cili ndodhi 1 javë më parë është i mbuluar me mister, megjithatë detajet e zbuluara deri më tani janë tronditëse.
Babë e bijë, Fadi Alwan dhe Rayyan Alwan, janë prezantuar si çift që nga momenti që kanë zbritur në Aeroportin e Rinasit e deri te takimi me pronaren e apartamentit që kanë marrë me qira.
“Nga sjellja e tyre, dukeshin si çift në harmoni dhe mjaft të dashuruar”, tha gazetari Merin Maçi sonte në studion e “Opinion” në Tv Klan.
Është krejtësisht e paqartë se pse 49 vjeçari e ka goditur me thikë 24 vjeçaren, ndërsa në mediat e huaja është folur edhe përpërdhunim para aktit të rëndë.
Duhet theksuar se ka një hetim paralel edhe për dokumentet e tyre të identifikimit.
Siç bëri me dije Maçi, ata kanë pasur një kartë identiteti greke dhe një pasaportë kosovare e cila dyshohet se është false. Dy palestinezë që jetonin në Berlin kishin prerë biletën vetëm ‘vajtje’ për në Shqipëri, pa rezervuar më parë për një vendqëndrimi.
