Grupi hetimor ka nisur mbledhjen e informacioneve të para për vrasjen e Aleksandër Ndokës, vëllait të ish-deputetit socialist Arben Ndoka, i vrarë në orët e para të mëngjesit të sotëm në lagjen “Nënë Tereza” në Lezhë.
Ndoka, këshilltar bashkiak, mësohet se ishte i vetëm në makinë, ndërsa trupi i pajetë u gjet nga familjarë të tij.
Burimet paraprake nga prokuroria thanë se banorët e zonës janë shprehur se nuk kanë dëgjuar krisma armësh, çka ka ngritur dyshimet se ekzekutimi është kryer me një armë me selenciator.
Mësohet se policia ka sekuestruar kamerat e sigurisë pranë vendit të ngjarjes, përmes të cilave pritet të hidhe më shumë dritë mbi atë se çfarë ka ndodhur me 48-vjeçarin.
Trupi i pajetë i Ndokës u gjet në mjetin tip “Mitsubish”, me targa AA 382 SE.
