Zyra e Prokurorit Publik në Arabinë Saudite ka njoftuar se një gjykatë ka dënuar pesë persona me vdekje për vrasjen e gazetarit Jamal Khashoggi.
Khashoggi, një kritik i qeverisë Saudite, u vra brenda konsullatës së mbretërisë në Stamboll të Turqisë nga një ekip agjentësh saudit.
Zyrtarët sauditë kanë thonë se gazetari u vra në një “operacion mashtrues” nga një ekip agjentësh të dërguar për ta bindur atë të kthehej në mbretëri. Për këtë autoritetet nxorën para gjykatës 11 individë të pa identifikuar. Nga ana tjetër zyrtarët turq kanë thënë që agjentët vepruan me urdhra nga nivelet më të larta të qeverisë Saudite.
Më 2 tetor 2018, Jamal Khashoggi, një gazetar me origjinë nga SHBA dhe kritik i qeverisë së Arabisë Saudite, hyri në konsullatën e Arabisë Saudite në Stamboll, ku u vra.
Në muajt që vijnë, dëshmi kontradiktore janë shfaqur mbi atë se kush ishte përgjegjës, si vdiq dhe çfarë ndodhi me eshtrat e tij.
Në zhvillimin e fundit, një raportues special i Kombeve të Bashkuara arriti në përfundimin se Khashoggi ishte “viktimë e një ekzekutimi të qëllimshëm, të paramenduar, një vrasje jo ligjore për të cilën shteti i Arabisë Saudite është përgjegjës”.
Ai gjithashtu zbuloi se kishte “prova të besueshme” që Princi i Kurorës Saudite Mohamed bin Salman dhe zyrtarë të tjerë të nivelit të lartë ishin përgjegjës.
Qeveria Saudite, e cila mohon që princi të ishte i përfshirë, ka kundërshtuar raportin. /Opinion.al
