Ish-oficeri RENEA-s Remal Rada nuk ka lidhje me ekzekutimin mafioz të Kastriot Reçit, vrarë në janar 2020 me snajper.
Gazeta Panorama shkruan se pasi janë krahasuar ADN e përftuar nga pështyma e ish-specialistit, laboratori i policisë së shtetit konfirmoi se nuk ka asnjë përputhje me te dhënat e marra në skenën e krimit dhe ne banesën prej nga ku u qëllua nga distanca 150 metra ish-pronari i një televizioni.
Kujtojmë se oficeri Remal Rada u vu në pranga më 26 korrik, bashkë me shokun e tij Elton Hithi teksa po qarkullonin në Tiranë me snajper në makinë.
Dy të rinjtë para autoriteteve deklaruan lidhur me armën se kishin rënë në një kurth duke pretenduar se një qytetar do t’iu sillte një porosi nga Britania e Madhe, pa e ditur se çfarë kishte brenda.
39-vjeçari Remal Rada, u shkëput vetëm disa muaj më parë nga forcat RENEA.
