Vrasja e efektivit të FSHN, Xhulio Prela të shtunën në fshatin Gajush, ende nuk ka një autor, pasi nga kamerat e sigurisë që kanë filmuar momentin e vrasjes, identifikimi i makinës së personave që kanë qëlluar është i paqartë.
Ndërkohë autoritetet po vijojnë hetimet ndërsa mësohet se janë kryer disa shoqërime. Policia ka ushtruar kontrolle në disa banesa në fshatrat e Kurbinit dhe të Lezhës që janë afër vendit ku ndodhi ngjarja, pasi dyshimet janë se autorët mund të jenë nga këto zona.
Efektivi i Forcave të Ndërhyrjes së Shpejtë, Xhulio Prela, u ekzekutua me armë zjarri pistoletë në orët e para të mëngjesit të së shtunës, teksa po kthehej nga Hajmeli i Shkodrës ku e kishte dërguar një mik të vëllait të tij, i cili kishte ardhur nga Anglia përmes aeroportit të Rinasit pak pas mesnate./ Opinion.al
