Detaje të reja kanë dalë nga vrasja e dyfishtë në Gramsh ku Xhevit Sinani vrau bashkëshorten dhe vëllain. Sipas “Klan News” në dëshminë e dhënë para autoriteteve, autori ka thënë se si fillim ka vrarë vëllain me sëpatë në oborrin e banesës dhe më pas ka shkuar brenda dhe ka dhunuar të shoqen, të cilët dyshohet se e ka mbytur dhe më pas goditur me sëpatë.
Ngjarja dyshohet se ka ndodhur për motive xhelozie, pasi i moshuari mendonte se vëllai, Shaqiri i ngacmonte gruan, Zeqinenë, 74 vjeçe.
“Gruan e torturova dhe e mbyta. Vuajti shumë, e godita dhe me sëpatë. Vëllai nuk vuajti”, është shprehur në dëshminë e tij 80-vjeçari.
Për shkak se ai vuante nga probleme të shëndetit mendor rezulton se ka dhënë dëshmi kontradiktore dhe të ndryshme. Në dëshminë e parë ai është shprehur se nuk mbante mend se çfarë kishte ndodhur.
Fakti që ai vuante nga shëndeti mendor dhe merrte mjekime konfirmohet edhe nga infermierja e fshatit dhe nga Policia e Elbasanit.
Pas vrasjes, ai u ka treguar të afërmve për atë çfarë ndodhi dhe këta të fundit kanë njoftuar policinë. Policia e ka vendosur në pranga pa bërë rezistencë.
Xhevit Sinani jetonte me bashkëshorten, ndërsa Shaqiri i vetëm pasi gruaja i kishte ndërruar jetë./Opinion.al
