Të tjera detaje vijojnë të dalin nga përgjimet e bandës shqiptare, e cila u shkatërrua nga operacioni i autoriteteve italiane në bashkëpunim me SPAK, Eurojust dhe Europol që çuan në goditjen e një bande kriminale shqiptaro-italiane që kishte tregtuar një sasie prej më shumë se 120 kilogram kokainë, 15 kilogramë heroinë.
Sikurse del nga përgjimet mes anëtarëve të grupit të trafikut të drogës, në çdo komunikim të tyre ata përdornin simbole dhe kode për të realizuar veprimtarinë kriminale.
Në një pjesë të dosjes mësohet pseudonimi që përdorte Emirjan Beu. Sipas dojes ai njihej me nofkën “Noyzi”, si rreperi i famshëm. Kjo gjë zbulohet nga biseda e zhvilluar mes Rexhep Dallupit dhe Enkeleda Bakallit.
Dallupi i thotë Bakallit se Emirjan Beu, me pseudonimin Noizy, duhet të marrë një pagesë prej 600 mijë eurosh.
Pjesë nga dosja
Rexhep Dallupi: Nuk është ashtu, se ai (Alfred Luli) punonte dhe fitonte…i pëlqente, mori lekë, dmth Noizy (Emirjan Beu) nga (Alfred Luli) dmth ai çuni tjetër (furnizuesi i Noizy-t) ka për të marrë 500-600 mijë euro. Noizy po më thoshte një ditë “u futa në telashe me robin tim (me furnitorin) prej atij (prej Alfred Lulit) dhe ai tha (furnizuesi) që e vret, por unë nuk ia thash këtë.
Fillojnë të flasin përsëri për Rrustemajn dhe gruan që erdhi të rrinte 2-3 ditë me të. Pastaj flasin për Ervinin duke thënë se është një djalë modest dhe me këmbë në tokë, ndryshe nga buzëviçi, dhëndri i Noizyt, që shet mend dhe si i tillë mbylli punën.
Enkeleda Bakalli: Po për atë zemra ke marrë vesh gjë? (Për Alfred Lulin)
Rexhep Dallupi: Jo nuk kam takuar asnjë, kë të takoja?
Enkeleda Bakalli: Më vjen keq për atë (Luli Alfred) është djalë i mirë, na e ulte
Rexhep Dallupi: Po është i mirë, të paktën të takoja vëllain e tij (Gjergji Luli) po nuk i kam numrin e telefonit t’i jepja 500 euro për t’ia çuar atij për ta respektuar.
