Është zbardhur dëshmia e Habib Rexhës, i cili pak ditë më parë vrau me armë zjarri Arjan Gosën në Kavajë.
Pasi u vetëdorëzua, Rexha ka thënë se ditën e ngjarje ka qenë rastësisht në të njëjtën zonë të Kavajës me Arjan Gosën.
Ai thotë se në momentin e ngjarjes ka qenë në një makinë me shokun e tij, i cili nuk kishte dijeni për situatën.
Rexha ka deklaruar se i ka kërkuar mikut të tij të parkonte pak metra larg lokalit dhe ka shkuar e ka qëlluar me pistoletë Arjan Gosën.
Ngjarja ka ndodhur për motive të gjakmarrjes, pasi vëllai autorit të ngjarjes dhe viktimës vranë njëri-tjetrin pak muaj më parë në Kavajë.
