Yelda Akcos Akilligoz, fotografe me profesion, duhet të ishte e pranishme mbrëmjen e djeshme në ekspozitën e saj me fotografi, por një takim jashtë sallës bëri që ajo të vonohej dhe ti shpëtonte plumbave që i morën jetën ambasadorit rus në Ankara, Andrei Carlov. Por këtë fat nuk e kishte bashkëfotografja e kësaj ekspozite, Leyla Gundogan, që thuhet se është me origjinë shqiptare. Leyla mbeti e plagosur dhe u dërgua menjëherë në kirurgji për tju nënshtruar një ndërhyrje të gjatë. Vetë Yelda I ka kushtuar disa momente shoqes së saj dhe aktit të ndërrmarrë nga atentatori Mevlut Mert Altinbash, polici i sigurisë.
“Sot (dje) ishte ekspozimi I fotografive tona. Ishim në hapje të ekspozitës. Ambasadori dhe të ftuarit e tjerë….Të gjithë ishim në emër të artit. Duhet të takoja disa miq 200 metra larg sallës. Kisha shumë miq aty. Motra ime Leyla Gundogan tashmë I është nënshtruar një ndërhyrje kirurgjikale. I ruoj një shërim sa më të shpejtë. Ajo që ndodhi ishte një skenë e trishtë për të gjithë ne. Sot (dje) aty ishin miqtë e mi, ndoshta nesër, ndoshta do të jem…Për fat të keq të tjerë vdiqën me ambasadorin rus. Nuk di çtë them tjetër, jam e tronditur….Ne kemi lindur në një botë të madhe./ D.L Opinion.al
Në foton e mëposhtme fotografja me origjinë shqiptare Leyla Gundogan
