Qeveria dhe Ministria e Punëve të jashtme vetëm kanë heshtur deri më sot për vrasjen makabre të një fëmije shqiptar në Maqedoni. Ngjarja e denoncuar me rezerva vetëm nga mediat në gjuhën shqipe në Maqedoni, ka tronditur rëndë opinionin shqiptar jo vetëm atje por dhe në Shqipëri dhe Kosovë. Ndërkohë që në Shkup janë paralajmëruar dhe protesta për këtë ngjarje makabër,diplomacia dhe qeveria shqiptare heshtin sikur mos të kishte ndodhur asgjë.
Duket se moti i nxehte dhe shkëmbimi në distancë i deklaratave me nota qesharake me Greqinë,e kanë ç’aktivizuar rolin e diplomacisë dhe reagimin zyrtar të shtetit shqiptar. Pa hapur arkivën e madhe të ngjarjeve thuajse të ngjashme dhe meqë Ministria jonë e jashtme reagon për çdo deklaratë të diplomatit më të parëndësishëm grek,i kujtojmë se në një rast konflikti në Himarë,shtetit grek bëri të reagojnë dhe institucionet e BE. Rasti i Aristotel Gumës dhe jehona e ngjarjes tronditën thelle jo vetëm marrdhëniet mes Shqipërisë dhe Greqisë.
Ndërsa për vrasjen e një 4 vjeçari shqiptar nga Kumanova të gjithë heshtin. Duke harruar që sot më shume se kurrë pjesa e lënë pas dore e shqiptarëve të Maqedonisë ka nevojën të ndihet e mbështetur për të drejtën themelore,atë të lirisë për të jetuar në një shtet që pret të anëtarësohet ne BE. E derisa shteti shqiptar të gjejë kohën dhe vullnetin që të paktën t’i mbështesë me një deklaratë,shqiptarëve të atjeshëm do u duhet të rishohin fotot dhe filmimet e takimeve bajate dhe të pavlera mes politikanëve shqiptarë nga të dy anët e kufirit.
/Opinion.al
