Detaje të reja janë zbardhur nga ngjarja e rëndë e ndodhur në orët e para të mëngjesit të sotëm në lokalin ‘Cobra City’ në Prizren ku si pasojë e një konflikti të nisur brenda lokalit, mbeti i vrarë më armë zjarri 31 vjeçari nga Kukësi, Visart Cengu dhe shoku i tij, 27 vjeçari Rufgen Shehu.
Nazan Shero, prokurorja e Prokurorisë Themelore të Prizrenit ka deklaruar për gazetën Ekspres se dëshmitarët që janë marrë në pyetje kanë përmendur si shkak të konfliktit një faturë prej 400 eurosh që të rinjve u është dhënë nga stafi. Sherri nisi pasi dy të rinjtë nga Kukësi nuk pranuan të paguanin shumën.
Ndërkohë Policia e Kosovës ka bastisur lokalin ‘Kobra City’ në Prizren, ku raportohet se janë gjetur 3 gëzhoja plumbash.
Ndërkohë kontrolle janë kryer edhe në banesën e Dibran Hoxhaj, i cili dyshohet se është autori i vrasjes së 31 vjeçarit nga Kukësi, Visart Cengu dhe plagosjes së 27 vjeçarit Rufgen Shehu.
Sipas hetimeve të kryera nga policia, dyshohet se vrasja ka ndodhur jashtë lokalit teksa të rinjtë nga Kukësi po tentonin të largoheshin me automjetin e tyre.
