Policia ka arrestuar Stjuart Smakajn, autorin e dyshuar të vrasjes së Gledis Krajës, mbrëmjen e djeshme në Shkodër.
23-vjeçari Gledis Kraja u qëllua mbrëmjen e djeshme nga një plumb. Ai u transportua i plagosur në spital por ndërroi jetë.
Stjuart Smakajt mësohet se ka patur miqësi të ngushtë me Gledis Krajën. Sipas njoftimit të policisë vrasja e Krajës ka qenë aksidentale.
“Ky shtetas gjatë një konflikti të çastit ka tentuar të vrasë me armë zjarri shtetasin D. H., ku si pasojë aksidentalisht ka ngelur i plagosur rëndë shtetasi G.K., 23 vjeç banues në lagjen “Perash”, Shkodër, i cili më pas ka ndërruar jetë në Spitalin Rajonal Shkodër.”, thuhet në njoftimin e policisë
Po ashtu është sekuestruar edhe arma e zjarrit e modifikuar.
Ndërkohë Sebastian Smakaj, vëllai i Stjuart Smakajt është ende në kërkim./ Opinion.al
