“Vrapo për Fëmijët” është eventi që organizohet për të gjashtin vit radhazi në kryeqytet. Ai ka për qëllim t’u vijë në ndihmë fëmijëve shqiptarë, nga zona të ndryshme të vendit që janë diagnostifikuar me kancer e që trajtohen në spitalin Pediatrik në QSUT në Tiranë.
Gara vrapuese këtë vit do të zhvillohet ditën e diel, datë 4 dhjetor, në orë 9:00.
Pjesëmarrësit mund të regjistrohen që në Sheshin “Nënë Tezera” nga ku dhe do të nisë marshimi i cili do të vazhdojë tek bulevardi “Dëshmorët e Kombit” si dhe tek parku i Liqenit Artificial të Tiranës.
Në eventin që organizohet nga shoqata MRDC (Medical Response to Diplomatic Corps) me mbështetjen e Fondacionit Vodafone Albania, marrin pjesë shumë personazhe të njohura të biznesit dhe showbizzit të vendit.
Falë kontributeve të dhuruara nga bizneset, gjatë “Vrapo për Fëmijët 2015”, u mundësua ndihmë për 21 fëmijë, kryesisht për blerjen e medikamenteve, sigurimin e të cilat familjarët e kanë të vështirë apo dhe të pamundur.
Kushdo që do të kontribuojë për fëmijët mund ta gjej vetën në një prej kategorive, specifikisht 10KM vrap, 5KM vrap dhe 5KM ecje sportive dhe e lirë.
