Partia Demokratike vijon me denoncimet e saj lidhur me zgjedhjet e 25 prillit.
Nëpërmjet një dalje mediatike Enkelejd Alibeaj është shprehur se “Në 16 prill kemi kallëzuar në Prokurorinë e Posaçme Antikorrupsion krimin elektoral të blerjes së votave në zonën e Pukës nga njerëzit e Edi Ramës dhe vetë Tom Doshi”.
Sipas demokratit Alibeajt, për këtë rast SPAK ka zgjedhur të hesht, edhe pse është vënë në dijeni.
Ndër të tjera ia ka theksuar se “nëse do të kishte bërë detyrën, do të kishte zbuluar se pikërisht në këtë zonë, pak orë para zgjedhjeve, policia ka kapur në flagrancë një furgon të Partisë Socialiste, që shpërndante para dhe është urdhëruar nga eprorët ta lirojë menjëherë”.
Sipas Alibeaj Benet Beci, Tom Doshi, Mark Frroku kanë blerë vota në zonën e Pukës nëpërmjet një vlere prej 100 eurosh.
“Benet Beci, kandidat i Partisë Socialiste në qarkun e Shkodrës, Tom Doshi, kryetar i Partisë Socialdemokrate dhe kandidat në këtë qark, Mark Frroku, ish deputet aleat i Ramës, me rekorde kriminale, Gjon Gjoinaj, Kryetar i Bashkisë Pukë dhe disa nëpunës të tjerë dhe persona privatë kanë vepruar si bashku si një grup i struktuar kriminal për blerjen e votës me 100 euro për person në zonën e Pukës.”- shton Alibeaj./Opinion.al
