Presidentja e Komisionit Europian, Ursula von der Leyen ka uruar kryeministrin Edi Rama për fitoren në zgjedhjet parlamentare të 11 Majit.
Përmes një postimi në rrjete sociale, Von der Leyen shprehet se nën udhëheqjen e Ramës, Shqipëria ka bërë përparim të madh drejt Bashkimit Europian.
Më tej ajo ka kërkuar që të vazhdojnë të punojnë për reformat e BE-së, pasi sipas saj Shqipëria i përket BE-së.
“I dashur Edi Rama, urime për fitoren tuaj zgjedhore!
Nën udhëheqjen tuaj, Shqipëria ka bërë përparim të madh drejt Bashkimit tonë. Le të vazhdojmë të punojmë ngushtë së bashku për reformat e BE-së. Shqipëria i përket BE-së!
Pres me padurim t’ju përgëzoj personalisht nesër në Tiranë”, ka shkruar ajo.
