Një 34-vjeçar është vënë në pranga nga policia pasi tentoi të grabiste një shumë parash në një xhami.
Sipas policisë, 34-vjeçari dyshohet se në muajin qershor, ka vjedhur një shumë parash, po në të njëjtën xhami.
E.Sh., 34 vjeç, banues në Librazhd, akuzohet për veprën penale “Vjedhja”, mbetur në tentativë dhe “vjedhja” kryer më shumë se një here.
I riu është një emer i njohur per policinë e Elbasanit, pasi njihet si person me precedent të mëparshëm penal për vjedhje dhe vepra të tjera penale kundër pasurisë.
Nga veprimet hetimore ka rezultuar se 34-vjeçari, më datë 03.06.2023, ka vjedhur një shumë parash, në një objekt kulti (xhami), në Elbasan), rast për të cilin nuk është bërë denoncim më parë, në Polici.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
