Katër persona janë arrestuar nga Policia e Vlorës pasi akuzohen për vepra të ndryshme penale.
Uniformat blu njoftojnë se është arrestuar shtetasi me iniciale I. T., 45 vjeç, banues në fshatin Kaninë, Vlorë, pasi më datë 17.10.2020, në lagjen “Hajro Çakërri”, Vlorë, ka djegur automjetin në pronësi të shtetasit Sh. M., 54 vjeç, banues në Fier.
Gjithashtu autoritetet informojnë se është arrestuar në flagrancë shtetasi G. B., 17 vjeç, banues në lagjen “Pavarësia 3”, Vlorë, pasi ka ushtruar dhunë fizike ndaj nënës së tij, pas një konflikti të çastit, si dhe shtetasin A. B., 46 vjeç, pasi dyshohet se ka kryer vepra të turpshme në prani të djalit të tij.
Sakaq, Specialistët e Qarkullimit Rrugor kanë arrestuar në flagrancë shtetasin A. Y., 31 vjeç, banues në Fier, pasi në vendin e quajtur “Rrethrrotullimi i Nartës”, Vlorë, është konstatuar duke drejtuar automjetin në gjendje të dehur.
Materialet iu referuan Prokurorisë, për veprime të mëtejshme./ Opinion.al
