Një 22-vjeçare është vënë në pranga nga policia, pasi është kapur në flagrancë me doza kanabisi të ndara në doza në automjet.
Po ashtu është proceduar penalisht një 20-vjeçar, pasagjer në këtë automjet, pasi edhe këtij të fundit iu gjet gjatë kontrollit një sasi lënde narkotike.
Oficerët e Policisë ndaluan për kontroll automjetin me drejtuese 22-vjeçaren G. M., ku ishte pasagjer shtetasi E. Q.
Gjatë kontrollit në këtë automjet, u gjet një sasi lënde e dyshuar narkotike kanabis, e ndarë në doza, të gatshme për shitje, si dhe u konstatua 20-vjeçari me një sasi të vogël lënde narkotike.
Po ashtu u ushtrua kontroll në banesën e shtetases G. M., ku u gjet një peshore elektronike që i shërbente veprimtarisë kriminale të ndarjes së lëndës narkotike në doza, me qëllim shitjen.
