Reshjet e shiut kanë shkaktuar sërish probleme brenda qytetit të Vlorës.
Mësohet se qendra e qytetit, pranë portit, rruga “Hasan Kushta” dhe lagja pranë Kishës Ortodokse janë zonat më problematike ku uji ka mbërritur deri në gjysmë metri lartësi.
Kujtojmë se gjatë mëngjesit kanë rënë reshje të shumta shiu.
Për shkak të situatës, qytetarët kanë minimizuar lëvizjen me automjete prej trafikut apo dhe nga frika e dëmeve materiale që mund të shkaktohen.
Problemet janë shkaktuar për shkak të bllokimit të kanalizimeve. Për këtë arsye, Ujësjellës-Kanalizimet e Vlorës ndodhen në terren për të tërhequr ujin.
Kjo problematikë në Vlorë është e përsëritur dhe ndodh sa herë që ka reshje në qytet./tvklan
