TIRANË- Banka e Shqipërisë ka vendosur që shuma e vjedhur në thesar t’ia faturojë buxhetit të Shtetit. Por ky veprim është kundërshtuar nga Kontrolli i Lartë i Shtetit. Sipas KLSH, përmes klasifikimit si humbje në bilanc, Banka e Shqipërisë praktikisht i ka vënë kapak cështjes së vjedhjes duke mbyllur ligjërisht edhe cdo përpjkeje për rekuperimin e shumës së plotë apo të pjeshme të parave që u vodhën.
KLSH thotë se zhdëmtimi i vjedhjes duhet ti ngarkohet personave të dënuar dhe Banka e Shqipërisë ka detgyrimit të ndërmarrë të gjitha masat ligjore për rekuperimin e këtij dëmi. Sipas KLSH vetëm pasi të jenë ndërmarrë të gjitha këto hapa, humbja mund të klasifikohet si vjedhje. Por edhe për këtë duhet të ketë më parë një vendim gjykate.
Lajmi është publikuar nga Top Channel, i cili thotë se mes dy institucioneve ka patur një debat të ndezur institucional. Banka e Shqipërisë pretendon se klasifikimi i shumës së vjedhur si humbje është sugjeruar nga fondi monetar ndërkombëtar. Por KLSH ka kërkuar dokumentat zyrtare mbi sugjerimet e fondit, të cilat Banka nuk ka mundur t’i vërë në dispozcion.
Kontabilizimi si humbje i shumës së vjedhur në Bankën e Shqipërisë e hedh koston e kësaj vjedhje drejpërdrejtë tek qytetarët përmes fitimit të munguar në buxhet, në një kohë që për këtë çështje ka ende procese të hapura gjyqësore.
Vjedhja e thesarit të shtetit u zbulua në verë të këtij viti. Skandali çoi në arrestimin e disa punonjësve dhe shkarkimin e Guvernatorit, Ardian Fullani.
