Presidentit të Ukrainës Volodymyr Zelenskiy i është ofruar një vizitë e një profili të lartë në Washington në këmbim të një premtimi për të bërë disa hetime të lidhura me familjen e ish-nënpresidentit amerikan, Joe Biden.
Emailet e shkëmbyera mësohet të jenë bërë publike nga anëtarë të Dhomës së Përfaqësuesve të SHBA pas një interviste 10-orëshe me Kurt Volker, ish-të dërguarin e SHBA-së në Ukrainë.
Volker ka dhënë dorëheqjen javën e kaluar, ndërkohë që emri i tij është përmendur në ankesën e një informatori.
Në ankesën që është bërë publike thuhet se Trump i ka kërkuar Zelenskiyt të hetojë kundërshtarin e tij politik, Biden dhe gjithashtu djalin e tij për korrupsion në Ukrainë.
Ndërkohë demokratët e kanë cilësuar këtë veprim si “tradhti ndaj betimit të presidentit dhe të sigurisë kombëtare”.
Shtëpia e Bardhë ka publikuar transkriptimin e redaktuar të bisedës Trump-Zelenskiy.
Sipas emaileve të publikuara prej tyre, një këshilltar i Zelenskiyt duket se e ka pranuar propozimin për vizitën e presidentit ukrainas në Uashington. Të gjithë këtë situatë presidenti Trump e ka cilësuar si “mashtrim” dhe “gjueti shtrigash”./Opinion.al/
