Hong Kongu vazhdon të përballet me protesta antiqeveritare ndërsa përplasjet midis policisë dhe qytetarëve janë bërë gjithnjë e më të dhunshme. Situata u përshkallëzua kur dhjetëra studentë u mbyllën në kampusin universitar, ndërsa autoritetet bllokuan rrugët kryesore rreth tyre.
Pas disa ditësh përplasje dhe rezistencë policia kërcënoi se do të përdorte armët, por më pas u bë e ditur se ata që do të dorëzoheshin do të gjykoheshin sipas ligjit. Por kur një grup prej 100 protestuesish tentoi të dilte nga kampusi, efektivët i ndaluan me gaz lotsjellës dhe plumba gome, ndërsa studentët u kundërpërgjigjën me harqe e shigjeta, bomba Molotov dhe armë të tjera të impovizuara.
Studentët sulmuan gjithashtu me automjet një efektiv, i cili sic njoftuan burime policore, ishte detyruar të qëllonte me armë zjarri për t’u mbrojtur.
Përshkallëzimi i dhunës u rikthye pas vdekjes së një studenti 22 vjeçar, gjatë një operacioni të policisë një javë më parë.
