Partia Demokratike ka reaguar sërish lidhur me rastin e familjes Cakoni. Ish-deputetja Grida Duma që bëri publike një telefonatë të Manjola Cakonit me Kryeministrin Rama, ka kërkuar sot që prokuroria të nisë hetimet ndaj kryeministrit.
“E vërteta e dhimbshme e familjes Cakoni e treguar nga Manjola, është FAKTI i vetëm i një historie, që nuk mund të fshihet nga asnjë formë e propagandës.
Edi Rama edhe sot ka vijuar të frikësojë dhe intimidojë Manjolën. Është koha që prokuroria të nisë hetimet ndaj kryeministrit për shantazh dhe frikësim ndaj një zonje, që ka kërkuar publikisht vetëm të drejtën e saj!”, shkruan Duma në një publikim në Facebook.
LEXO EDHE -Denoncimi i PD, Rama reagon për rastin e Manjola Cakonit: Abuzim me…
Ky publikim, vjen disa orë pasi Kryeministri publikoi një video në të cilën thuhet se familja Cakoni ka marr mbështetje financiare nga shteti dhe gjithashtu bëhet përfituese e një apartamenti./Opinion.al
