Policia e Tiranës ka arrestuar një 27-vjeçar, i cili vidhte marketet dhe pikat e rimbushjes telefonike, nën kërcënimin e armës së zjarrit.
Në pranga ra i riu E.B, banues në Tiranë. Nga veprimet hetimore të kryera, të dokumentuara edhe me pamje filmike, dyshohet se 27-vjeçari ka kryer disa vjedhje si, një market në rrugën “Naim Frashëri”, një pike rimbushje telefonike në rrugën e Durrësit, si dhe në një pikë dhënie kredie në zonën e Zogut të Zi.
Në momentin e arrestimit, iu gjet dhe iu sekuestrua në cilësinë e proves materiale, një armë zjarri pistoletë me të cilën dyshohet të ketë kryer vjedhjet si dhe rrobat që kishte përdorur në realizimet e vjedhjeve bashkë me kapelet.
Vijon puna hetimore për zbardhjen dhe dokumentimin e ngjarjeve të tjera kriminale ku ky shtetas mund të jetë i implikuar, ndërsa materialet procedurale iu referuan Prokurorisë pranë Gjykatës Shkallës Parë Tiranë për veprime të mëtejshme për veprën penale “Vjedhja me armë”./Opinion.al
