Ambasadori amerikan në vendin tonë, Doland Lu e ka quajtur një ngjarje të rëndë dhe skandaloze shfaqjen e ishkryebashkiakut të Dibrës në videon teksa i kërkonte favore seksuale 20-vjecares në këmbim të vendit të punës.
Në një reagim nga qyteti i Fierit, ku ishte për vizitë, Lu ka theksuar se kryebashkiakët duhet të jenë më të përgjegjshëm.
Shukri Xhelili u shkarkua me vendim qeverie, pas publikimit të videos skandaloze, ndërkohë që më pas u shoqërua në polici, ku po pyetet për ngjarjen në fjalë.
Vetë Xhelili në një prononcim për “Panorama”, pak para ndalimit deklaroi se ishte një “kurth i ngritur nga kundërshtarët dhe ai ra në grackë”.
