Një ngjarje aspak e këndshme ka ndodhur në një apartament në Kuvajt ku shërbëtorja e shtëpisë ra nga dritarja.
Ajo ra nga kati i shtatë i pallatit ndërkohë që e zonja e shtëpisë e filmonte dhe nuk u afrua asnjë sekond për ndihmë.
Në videon e publikuar vajza etiopiane shihet e varur në dritare dhe duke qarë kërkon ndihmë nga zonja e shtëpisë. Ndërkohë gruaja që filmoi momentin tragjik dëgjohet duke thënë: “Kthehu e çmendur” dhe nuk afrohet t’i japë ndihmë.
Shërbëtorja arriti t’i mbijetojë vdekjes, theu vetëm njërin krah dhe pësoi lëndime të lehta në trup. Ndërsa gruaja që filmoi dhe publikoi videon u burgos me 1 vit e 8 muaj burg. Ajo u akuzua se nuk ndihmoi vajzën, e filmoi dhe bëri publike videon pa pëlqimin e saj.
