Në media janë publikuar edhe imazhet që tregojnë momentin e shoqërimit nga forcat policore të një efektivi në qytetin e Shkodrës. Sipas një denoncimi të bërë nga qytetari digjital dhe publikuar nga Ish-Kryeministri Berisha, i riu, punonjës pranë FNSH kishte tentuar të përdhunonte një studente në fakultetin Juridik në Shkodër. Gjithashtu sipas të njëjtit denoncues, studentet vajza janë shokuar shumë, por me ndërhyrjen e djemve përdhunuesi është mbajtur i mbyllur në banjo deri sa ka ardhur policia.
Por, sipas informacioneve pararpake të bëra publike në media, efektivi po jep deklaratën e tij për rastin, duke mohuar se ka tentuar të dhunojë apo abuzojë me studenten.
