Edhe pse nuk kishte bllok me vete, kryetari i Bashkisë Tiranë Erion Veliaj, ka vendosur si rrallë kryebashkiak një gjobë Live në prani të kamerave të shumta.
Çudia ka ndodhur gjatë heqjes së një shtylle tensioni në rrugën “Don Bosco” ku në momenti që kreu i OSSHE, po jepte një deklaratë në prani të kryebashkiakut Veliaj, vetëm pak metra larg tyre një djalë i ri ka filluar të afishojë njoftime “blejmë mobilje të përdorura” në një shtyllë elektrike.
Ky xhest ka revoltuar kryetarin e Bashkisë Veliaj i cili i është drejtuar të riut me fjalët: “O njish, o artist, o grupi… Pse i ngjit ato aty mo vlla? Merrini numrin e telefonit aty dhe do të vijë gjoba. Merre njoni numrin e telefonit aty, boji një fotografi atij numrit”, iu drejtua Veliaj.
“Ne t’u fol ktu si ta mbajmë pastër, ti e ngjit… pse e ngjit mo vlla. Ne sa hoqëm një shtyllë, ti shko e ngjit në sytë tim. Ça bo mo njish! Mos i ngjit mo në asnji vend. Dhe do i çoni gjobë atij patjetër”, tha më tej kreu i bashkisë.
http://www.dailymotion.com/video/x3i3juy_veliaj-grindet-me-qytetarin-per-letrat-ne-shtylla_news
