Pavarësisht deklaratave të forta në distancë që pasuan darkën e gjatë të së dielës, Edi Rama si çdo të mërkure i është drejtuar zyrës së kryeparlamentarit Meta. Për afro 2 orë dy bashkëkryetarët e koalicionit qeverisë kanë diskutuar kokë me kokë.
Pas mbledhjes se qeverisë, e cila u zhvillua pas kthimit te Ramës nga takimi me Metën, në zyrën e kryeministrit u panë te hyjnë njeri pas tjetrit kryetari i grupit Ruçi, kryetari i PS-se Tiranës Saimir Tahiri dhe kryebashkiaku Veliaj.
Takim që mesa duket u bë shkak për shtyrjen e një dalje të kryeministrit ne shtëpinë e të moshuarave te lajmëruar nga zyra e shtypit për t’u mbajtur rreth orës 13.30.
Pasi përcolli “te tijtë”, zyrës së kryeministrit iu drejtua njeriu me besnik i Ilir Metës ministri i drejtësisë Petrit Vasili, i cili mori pjesë me herët dhe në mbledhjen e qeverisë.
Nuk dihet a do të prodhojnë ndonjë të re për zgjidhjen e situatës politike të gjitha këto lëvizje që janë bërë të shpeshta këto ditët e fundit në dy godinat që drejtohen nga kryeministri dhe kryeparlamentari./ Tv Klan
