Policia e Durrësit ka goditur një tjetër rast të trafikut ndërkombëtar të lëndëve narkotike.
Policia Kufitare në bashkëpunim me Seksionin për Hetimin e Narkotikëve ka bërë të mundur arrestimin e dy personave, si dhe sekuestrimin e 5.5 kilogramëve kanabis.
Të arrestuarit janë çifti i bashkëshortëve, Andi Pepnika, 40 – vjeç dhe Dezdimona Jahelezi, 32 – vjeçe, të dy banues në Kamëz.
Burime zyrtare nga policia bëjnë me dije se droga u gjet e fshehur në bagazhin e mjetit të tyre, një Benz me targa DW 435 TV, teksa po kalonin në pikën e kontrollit të automjeteve, në vijën e dytë, të Portit të Durrësit.
Mbi dy të ndaluarit rëndon akuza për veprën penale, ‘trafikimi i lëndëve narkotike, në bashkëpunim’./Klan
