Griselda Gjikolaj 17 vjeç u vra gabimisht. Të dhënat e hetimit tregojnë se shënjestra ka qenë Erion Bengo 23 vjec, me të cilin thuhet se adoleshentja kishte një lidhje dashurie. Ngjarja e rëndë ndodhi mbrëmjen e së mërkurës në një rrugicë në Laprakë. Autori, një 19 vjeçar i identifikuar nga policia, por ende i paarerstuar ka patur në shenjestër Bengon, por gabimisht ka vravë Griselda Gjikolajn.
Hetimet kanë zbuluar se 10 ditë më parë autori ishte konfliktuar me Erion Bengon për shkak se kishte ngacmuar 17 – vjeçaren. Dyshohet se Bendo e kishte qëlluar me shuplakë. Mbrëmjen e së mërkures, autori, i shoqëruar nga një person tjetër, i ka mbajtur nën vëzhgim dy të rinjtë. Bashkëpunëtori i tij mësohet se nuk ka qëlluar me armë, por ka dyshime se e ka ndihmuar vrasësin për t’u larguar.
Makina ku mbeti e vrarë 17 vjecarja
Sipas policisë, objektiv i atentatit ka qenë 23 – vjeçari Bengo që mbeti i plagosur bashkë me të dashurën e tij. Edhe pse i qëlluar me plumba në qafë e në shpatull, Bendo ka mundur ta transportojë vetë të dashurën e tij në spital, ku ajo humbi jetën. Vetë Bendo është jashtë rrezikut për jetën.
Ekspertët kriminalistë kanë shkuar edhe paraditen e së enjtes në vendin e ngjarjes për të rindërtuar edhe njëherë skenën e krimit dhe për të mbledhur prova të tjera e që mund t’i shërbejnë hetimit.
