Rreth 2 hektarë kullotë raportohen të jenë djegur nga një zjarr i rënë sot në Dropull, midis Derviçianit dhe Goranxisë.
Flakët kanë marrë përmasa të konsiderueshme, ndërkohë që forcat zjarrfikëse kanë mbërritur në vendngjarje dhe po përpiqen të shmangin përhapjen në zonat e banuara. Përveç kullotave, zjarri ka prekur edhe rreth 50 pisha, gjë që ndikon në përhapjen më të shpejtë të flakëve.
Të angazhuar në terren janë tre stacione zjarrfikëse, Gjirokastër, Dropull, Libohovë dhe forcat ushtarake. Operacioni drejtohet nga kreu i PMNZSH Gjirokastër Kujtim Bizhga dhe prefekti Aliaj.
Këtë vit përgjatë korrikut në Gjirokastër u regjistruan vetëm 4 vatra zjarri, ndërsa kjo është vatra e dytë e zjarrit në Dropull brenda harkut kohor të një jave. /Opinion.al
Zjarri Dervican111 on Vidnews.
