Ka pranuar krimin, por nuk ka dhënë asnjë detaj më shumë mbi ngjarjen. Ka qenë kjo përballja e parë e Përparim Ademit me gjykatën, e cila pranoi kërkesën e prokurorisë dhe vendosi masën arrest me burg për autorin e vrasjes së dy motrave në Tiranë.
Shqiptar i Maqedonisë së Veriut, Ademi qëlloi për vdekje brenda banesës, dy motrat Zhaneta Metani dhe Kristina Bardhi, paraditen e 31- Dhjetorit.
59-vjeçari mësohet të ketë pohuar në polici se ka patur raporte intime me të dyja viktimat, por me Zhanetën kishte një lidhje, ndërkohë që motra tjetër jetonte në Greqi. Arsyeja e vrasjes ishte një debat mes tyre, pasi autori dyshonte që 45-vjeçarja ishte duke u shkëpturur prej tij dhe po krijonte një lidhje të re./Opinion.al
