Problemet që pati Kombëtarja Shqiptare për udhëtimin nga Viena në Luksemburg janë paraqitur edhe në mediat austriake.
Gazeta “Osterreich” publikoi një shkrim për pengesat që patën kuqezinjtë në aeroport, të dielën e kaluar.
Kompania ajrore “Lux Air” vonoi nisjen e skuadrës, që duhet të zhvillonte një tjetër miqësore pas asaj me Austrinë. Kjo bëri që Kombëtarja të shkonte me një ditë vonesë dhe Federata Shqiptare e Futbollit të humbiste para dhe kohë.
Pavarësisht bisedimeve mes palëve nuk u zgjidh problemi. Kjo bëri që FSHF të ankohej për këtë ngjarje dhe ka nisur proceduart për ta dërguar në gjyq.
Zëdhënësi i Kompanisë Ajrore citohet në gazetën austriake se ndjen keqardhje për këtë ndodhi dhe se po përpiqen të zbardhin faktet.
Kombëtarja më pas udhëtoi në Luksemburg me 24 orë vonesë duke shpenzuar para të tjera për një çarter.
Tv Klan
