Milani luajti mbrëmë ndaj Carpit, duke barazuar pa gola, 0-0. Përtej lojës dhe rezultatit teknik të ndeshjes, në “San Siro” bëri përshtypje të madhe për tifozët një “Haka” e “lojtarëve-aktorë” kuqezinj. Veprimi i tyre, si pjesë e një reklame, është bërë virale tashmë edhe në rrjetet sociale. Të veshur me uniformat e Milanit, 11 vetë u mblodhën në zonën e tyre të 16 metrave dhe filluan ritualin, që zakonisht kryhet nga ekipet kombëtare nga Zelanda e Re. Kundërshtari i tyre
Në fakt ishte një veprim për reklamë, ku nuk kemi të bëjmë me lojtarë, por me “aktorë”. Shikimet e egra dhe lëvizjet me origjinë nga tributë maori të Oqeanisë, që njihen ndryshe si vallëzimi “Haka”, morën jetë falë një grupi aktorësh, të cilët kishin veshur fanellat kuqezi të Milanit dhe ishin pjesë e një marrëveshjeje marketingu mes skuadrës kuqezi dhe firmës së njohur kozmetike, “Nivea”. Fatkeqësisht, “Haka” nuk rezultoi më fat për Milanin, sepse nuk i “frikësoi” sa duhet kundërshtarët e Carpit, të cilët morën një pikë në “San Siro”.
