Vijojnë operacionet e shpëtimit në Izmir të Turqisë pas tërmetit shkatërrimtar i cili shembi disa godina.
Në një video të publikuar në Tëitter, duket momenti kur një vajzë nxirret nga gërmadhat në gjendje të mirë shëndetësore.
Ajo ndihmohet nga ekipet e shpëtimit dhe shoqërohet me duartrokitje. Nga ana tjetër, fatin e saj nuk e patën dy adoleshentë në ishullin Samos, Greqi të cilët humbën jetën nën gërmadhat e një godine që u shemb.
Teşekkürler tüm yardım edenlere 🙏🙏🙏 #izmir #izmirdeprem pic.twitter.com/5hccocp7OO
— Who? (@Who98408150) October 30, 2020
Organi për Menaxhimin e Fatkeqësive dhe Emergjencave të Turqisë tha se tërmeti i së premtes kishte një magnitudë 6.6 Rihter.
Tërmeti i fuqishëm në Detin Egje ka tronditur Turqinë dhe Greqinë. Më herët, ministri i Brendshëm i Turqisë tha se disa ndërtesa në provincën perëndimore të Izmirit u shkatërruan.
Numri i të vdekurve nga tërmeti në Turqi ka arritur në 12, tha Agjencia për Menaxhimin e Fatkeqësive dhe Emergjencave (AFAD). Sipas njoftimit, të plagosur janë shënuar 419 persona. Dy njerëz vdiqën në ishullin grek të Samos, thanë zyrtarët atje./ Opinion.al
