Ushtria ukrainase ka shpërndarë një video me dron e cila tregon llogore dhe gjurmë tankesh në Pyllin e Kuq, një nga vendet më radioaktive në Tokë, në zonën pranë Çernobilit.
” Komanda ruse urdhëroi ushtarët e saj të gërmojnë pranë termocentralit bërthamor të Çornobilit në Pyllin e Kuq radioaktiv në mars 2022,” shkroi ushtria ukrainase në Twitter, krahas postimit të videos.
Pylli i Kuq është vetëm 500 metra larg centralit bërthamor të Çernobilit.
Trupat ruse pushtuan Çernobilin në fillim të pushtimit të Ukrainës më 24 shkurt. Javën e kaluar, forcat ruse që pushtuan vendin u larguan, tha kompania shtetërore bërthamore e Ukrainës Energoatom. Kompania konfirmoi gjithashtu raportet se trupat ruse kishin hapur llogore në pjesën më të kontaminuar të zonës së përjashtimit të Çernobilit, duke marrë “doza të konsiderueshme” rrezatimi./Opinion.al
Video proof. russian command did order its soldiers to dig fortifications near the Chornobyl nuclear power plant in the radioactive Red Forest in March, 2022. Complete neglect of human life, even of one’s own subordinates, is what a killer-state looks like. pic.twitter.com/VLjNTaW3T3
— Defence of Ukraine (@DefenceU) April 6, 2022
