“Vlerësimi i ikonave si fenomen artistik dhe ndërgjegjësimi se ato janë pjesë e trashëgimisë së vyer kulturore shqiptare”.
Ky mision krijoi mjedisin e nevojshem per te realizuar nje muze te veçantë me nje koleksion ikonash te realizuara prej mjeshterve me te rendesishem te piktures pas-bizantine si Onufri, Nikolla, Onufer Qipriotit, Shpatarakut, te familjes Çetiri (Katro) e te tjere te paidentifikuar ne Berat.
Muzeu “Onufri” u përshtat në kishën “Fjetja e Shën Mërisë”, monumenti më përfaqësues i arkitekturës pas-bizantine në qytetin e Beratit.
Në një mjedis impresionues qe pas viteve 90 ka qene i lene pas dore eshte organizuar tashme Ekspozita me emrin kuptimplotë “Thesare të Fjetura”.
“Opinion” sjell për herë të parë pamjet e një serie ikonash, të gjitha të dorës së parë, që u atribuohen mjeshtërve ikonografë, një kryq argjendi dhe lipsanat veshur në argjend.
Ekspozita “Thesare të Fjetura” është konceptuar në katin e dytë të pjesës perëndimore të hajatit, një mjedis i veçantë e impresionues, i cili pas viteve 90 ka qenë i pashfrytëzuar.
Janë një seri ikonash dhe objekte të realizuara rreth shekujve XVI – XIX, të cilat ekspozohen për herë të parë.
Drejtori i Muezut “Onufri”, Agron Polovina, pohon se “Promovimi i kulturës dhe ngritja e urave të bashkëpunimit janë hapësira që na mundësojnë thesaret kulturore, të cilat nuk kanë vlerë kur i lëmë të flenë”.
“Prej gati dy vitesh Qendra Kombëtare e Muzeve Berat dhe Drejtoria Rajonale e Kulturës Kombëtare kanë nisur një bashkëpunim institucional, i cili konsiston në një koncept të ri në menaxhimin e vlerave të trashëgimisë kulturore për të ndryshuar qasjet tradicionale të muzeve, për t’i dhënë jetë koleksioneve, për të qenë më aktivë në kujdesin ndaj tyre, për t’i bërë më të ekspozueshme, më të prekshme për publikun”-thotë ai.
Ekspozitën “Thesare të Fjetura”, Qendra Kombëtare e Muzeve në Berat e propozon si një grishje drejt trashëgimisë kulturore për të sjellë në çdo sezon një produkt të ri, një koleksion të paekspozuar më parë.
Përgatiti: Alteo Hysi
