Kryesore

VIDEO/Sulmuan parlamentin kundër mbylljes COVID,20 të plagosur në Beograd


Bëhu pjesë e Grupit Zyrtar të Opinion.al
>> KËTU <<
               Publikuar në : 10:04 - 08/07/20 |
Opi Nion

Protestat e dhunshme që u mbajtën mbrëmjen e së martës në Beograd kanë lënë pas të paktën trembëdhjetë policë dhe shtatë civilë të plagosur, sikurse raporton Shërbimi i Ballkanit i Radios Evropa e Lirë.

Qindra njerëz në rrugët e Beogradit protestuan kundër vendimit të qeverisë për vendosjen e orës policore, pasi vendi raportoi shifrat më të larta të vdekjeve të martën.

Presidenti Serb Vuçiç tha të martën se masat strikte, përfshirë edhe mbylljen e Beogradit në fundjavë vijnë për shkak të rritjes së numrit të infektimeve. Pas kësaj deklarate qindra njerëz u mblodhën përpara sheshit të parlamentit.

Rreth orës 22:00, një grup i vogël arriti të shtyjë kordonin policor dhe duke thyer derën hynë në parlament, por më pas policia i ka nxjerr jashtë.

Policia përdori gaz lotsjellës, ndërsa njerëzit e mbledhur para parlamentit në Beograd, thërrisnin në kor: “Dorëheqje, dorëheqje”.

Turma pranë hapësirës së kuvendit u shpërnda rreth orës 1:30 pas mesnate./Opinion.al

Pas