Ende janë të ndezur qirinjtë në nderë të viktimave të cilët u qëlluan për vdekje gjatë një sulmi terrorist në Vjenë të Austrisë.
Qytetarët janë solidarizuar me familjet e viktimave, duke vendosur qirinj në vendet në të cilat qytetarët që ranë pre e sulmit ndërruan jetë.
Në mbrëmjen e 2 nëntorit 4 qytetarë u ekzekutuan me armë zjarri dhe 22 të tjerë u plagosën në rrugët e Vjenës nga persona të armatosur të cilët ishin mbështetës të ISIS.
Një nga agresorët u ekzekutua nga forcat e Policisë gjatë sulmit. Terroristi u identifikua si Kujtim Fejzullahi, shqiptar nga Maqedonia e Veriut, i cili jetonte në Austri.
Fejzullahi ka qenë futbollist në qytetin e Mödling në adoleshencë, por aty ka rënë në kontakt me ekstremistë islamikë apo simpatizantë të ISIS që e kanë futur në rrugën e radikalizimit.
I riu kishte dhe rekorde penale teksa pjesë e lëvizjes Salafiste. Zbulohet se në korrik me një makinë jo të tijën Fejzullahi ka shkuar në Sllovaki për të marrë municion për armën e tij AK-47.
Bëhet me dije se për sulmin terrorist janë në të dyshuar dhe 12 persona të tjerë, ata janë të gjithë me prejardhje të huaj nga Kosova, Bangladeshi dhe Çeçenia.
Ndërkohë, shumë shtete të Europës kanë rritur shkallën e sigurisë pas sulmeve të ndodhura javët e fundit në Francë dhe Austri./ Opinion.al
