Janë publikuar pamjet e marra nga kamerat e sigurisë pas ngjarjes së rëndë të ndodhur sot në mëngjes në Tushemisht, ku dy persona kanë qëlluar në drejtim të një hoteli.
Pamjet tregojnë dy persona që afrohen me një motor dhe të veshur me kaska. Në këto pamje shihet qartë që një nga personat mban në krah një armë automatike, me shumë mundësi të tipit AK-47.
Nga breshëria e plumbave u dëmtuan disa makina të parkuara si dhe u thyen xhamat e katit të parë të godinës.
Nuk dihen ende arsyet e aktit kriminal, por duket qartë që personat kishin një objektiv të qartë dhe mirë të planifikuar.
