Emisioni investigativ ‘STOP’ ka transmetuar mbrëmjen e sotme shqetësimin e një komuniteti, pasi Bashkia e Tiranës u ka prishur mjedisin që kalonin orët e pushimit.
Referuar pamjeve të publikuara, ankesa e tyre, ka të bëjë me vendosjen e një kioske në vendin ku pak kohë më parë ishte një shesh i vogël pushimi me disa stola.
Me pak fjalë, vendosja e kioskës nga Bashkia e Tiranës, ka prishur stolat dhe sheshpushimin e ka kthyer; na ishte një herë…
Banorët bëjnë me dije se vendosja e një kioske të tillë në formë kërpurdhe, jo vetëm na prishi rehatinë e pasditeve, por na ka bllokuar edhe pamjen nga bulevardi.
“Kemi marrë edhe firmat e banorëve dhe kemi realizuar një peticion për t’ia çuar Bashkisë. Në tre të mëngjesit, si hajdutër, pa një urdhër planvendosje, pa një dokument nga kryetari i bashkisë Erion Veliaj, vinë dhe e vendosin e ikin me vrap”, thonë banorët.
Një tjetër banor, thotë se propoganda e mikut të fëmijëve, stonon komplet këtu.
Shiko videon:
Por historia nuk ndalet këtu.
Kamera e fshehtë e realizuar nga emisioni ‘STOP’. Gazetarja intersohet për procedurën se si mund të merret një leje për të zënë një hapësirë publike, se çfarë ndodh në zyrat e Bashkisë së Tiranës, mund ta mësoni nëpërmjet kësaj video….
