Lezha është një prej qarqeve më të prekura nga përmbytjet në vend. Moti i keq dhe reshjet intensive të shiut kanë shkaktuar probleme kryesisht në veri të vendit.
Sipas Klan News në njësitë administrative të Lezhës janë 1200 hektarë tokë nën ujë dhe 23 banesa të përmbytura.
Konkretisht, në njësitë administrative Dajç dhe Blinisht janë të përmbytura 700 hektarë, ndërsa në Balldre 500 hektarë.
Gjithashtu, në Dajç dhe Gjadër janë 15 banesa nën ujë dhe 5 banesa të tjera në fshatin Zojs. Ura e këtij fshati është e pakalueshme. Edhe në fshatin Kakarriq janë 3 banesa të përmbytura.
